من فضلك اختار القائمة العلويه من القوائم داخل لوحة التحكم

تيجي نتفق..للشاعر/سعيد الخولى

 بقلم الشاعر/سعيد الخولى

مكتب الاسكندرية

ان احنا مهما نختلف يفضل خلافنا

جوه دايرة الاتفاق ويكون حوارنا بدون تعصب

او خناق ونقول اراءنا بدون مجاملة

او نفاق وبدون تحيز للفصيل

نرفع شعار حب الوطن مالوش بديل

ونمد ايدنا بالسلام قبل الكلام

ونسيب مساحه في التفاوض

للمؤيد والمعارض يمكن هدفنا يبقي واحد

وعشان بلدنا نتفق

وناخد بعين الاعتبار ان احنا صناع القرار

نختار نعمر في البلدي او نهد ناخد بأيدها للامان

او للخراب نفضل نشد ونفوق شويه

وكفايه لينا كام سنه واخدنها عند مش مكسوفين

عايشين علي نفس الوطن متفرقين

وكل واحد في إتجاه ومشتتين وبقينا حزب ضد حزب

كأننا عايشين في حرب ومتصنفين

قسمنا بعض بالعدد ونسينا حاجه اسمها حب البلد

حقك علينا يا بلدي احنا اللي ظالمينك

لهيانا مصالحنا وتملي ناسيينك سيبنا الكلام

تنهشك وعملنا مش شايفين

وف عز صوت وجعك عملنا مش سامعين

وكأننا مش بشر ولا مخلوقين من طين

نبذة عن الكاتب

مقالات ذات صله

الرد