/ فوقي لنفسك اوعى فيوم تزعلي علي حد عشان مقدرش

بقلم الشاعر سعيد الخولى
مكتب الأسكندرية

يفضل جنبك او ماحاولش
لو كان راجل زي ما وعدك
كان يتحدي الدنيا بحاله
عشان يوصلك
كان هيثور
كان هيعدي جبال وبحور
ومايستسلمش
بس اختار السكه السهله
وقرر يبعد
ليه تختاري الصعب لنفسك
ليه تحكمي بالموت علي قلبك
علشان حلم فيوم ماكملش
لو فكرتي شويه بعقلك
هتلاقى هروبه ف مصلحتك
لما حقيقته تبان م الاول
وانتوا يا دوب بتقولوا يا هادي
افضل م القصه اما تطول
هيكون الجرح ما هوش عادي
وهتزعلي منك علي طيبتك
علي خيبتك!!!!
علشان عشتي كتير ف الوهم
ومافهمتيش
انه مقرر ميكملش
ليه شيفاه حاجه ما حصلتش
صعب انها تتكرر تاني
عايشه حزينه عشان يوم سابك
كل ما تفتكريه بتعاني
لو كان حبك؟
كان هيشوف الدنيا بعينك
كان هيحب الدنيا بقلبك
إوعي تحبي فيوم بالساهل
وتسلمي للحب الجاهل
لو حبك كان راح يسبتلك
إنه بجد حبيب يستاهل
انتي وقفتي معاه للاخر
قلبك جامد ومقصرش
هو استسهل يبعد عنك
&& ومقدرش &&
سهرك طول الليل تواسيه
كل كلامك الحلو عليه
إستخسرتي فنفسك شنطه
يمكن ترحه ويمكن جزمه
وجبتي بكل فلوسك ساعه
عشان تهاديه!!
كام مره يكون الغلطان
وتسامحيه
&&& وبتعتزري &&&
رغم انك بتكوني الصح
بس عشان نفسك ترضيه
علشان دايمآ كنتي مأمنه وبتحبيه
بعد ده كله عملك إيه؟؟
،،،،، فوقي لنفسك ،،،،،
وإحلمي تاني وكبري حلمك
ده نصيبك وقدر مكتوبلك
مش ده الفارس
اللي هيجي بحصانه الابيض
علشان ياخدك ،،،
خليكي دايمآ واثقه ف نفسك
هيجيلك فارس احلامك
ويخبط بإيديه علي بابك
ويداوي الجرح اللي ف قلبك