اهلا بيكم سيداتي وبناتي هنتحدي بعض ونبدأ نخس من النهارده ، مع نصايح ( ك / شريف دابو )

كتبت الاعلامية /شرين جاد

هنتحدي جسمنا وهنغير شكلنا
عاوزه صحتك تكون أفضل وشكل جسمك يتغير
1-قسمي وجباتك على مدار اليوم
2-كلي أكل صحي ( مشوي أو مسلوق )
3-إبعدي عن الوجبات السريعه
4-امنعي زيت الطعام من الاكل و استبدليه بزيت زيتون
5-إشربي 3 لتر مياه في اليوم
6-المشي 30 دقيقه 4 مرات اسبوعيا
7-نامي بدري و نامي 8 ساعات
8-متسهريش كتير
9-متقعديش امام التلفزيون كتير _ و اهتمي بالرياضه اكتر
10- إبعدي عن التوتر و القلق
11-إستبدلي الشاي العادي بشاي اخضر
12-إستبدلي السكر بعسل النحل
13- كلي دهون صحيه كتير زي المكسرات و زيت الزيتون و الافوكادو
14-نظمي وقتك
15_ اكثري من أكل الفواكه و السلطه على مدار اليوم
16-خلي العشاء اقل وجبه في اليوم
17-كلي بروتين نباتي و حيواني و من منتجات الألبان
18-استبدلي الجبنه البيضاء _ بجبنه قريش خالية الدسم
19-قللي الملح في اكلك
20-الايجابيه و البعد عن اﻷفكار السلبيه عشان تحققي أهدافك
21-وبلاش نكد وعياط الدنيا أبسط من كدة
22-لو جوعتي كلي خضار أو فاكهة أو مياه
23-متحرميش نفسك ممكن تاكلي بيتزا ومحشي في الدايت عادي بس بكميات بسيطه
24-الرقص بيشد الجسم وبيحرق الدهون ارقصي
والله ما هسيبكوا غير لما تخسواا