مؤسسة شباب بتحب مصر ترسم البسمة على وجوه ذوي الهمم

من أهم الأحلام اللي بنسعى نحققها هو اندماج ذوي القدرات الفائقة وأصحاب الهمم، في كل أنشطة المجتمع، وده مش متوقف على ندوات ومؤتمرات وأنشطة صيفية أو معسكرات وبس، لا أحنا كمان بيهمنا نحقق حلمهم، وبما إن مصر بتحتضن حدث هام جدا للجميع وهو كأس الأمم الإفريقية، فكان من الطبيعي نسعى لتحقيق حلم أطفالنا ونسعدهم بحضور المباريات بصحبة اللاعبين.

قدرنا نحقق حلمنا من خلال تعاوننا مع شركة VISA ، بصفتها الراعي الرسمي للبطولة، وبالفعل تلقينا ترحاب واسع من الشركة وقدرت أنها تسهل مهمتنا، بعد ما عرفنا السن المسموح له بالحضور، كان من سن ٦ سنين الي ١٢ سنة

وحضر جنى وشهد، ماتش دور التمانية، بين نيجيريا وجنوب إفريقيا، ومش قادرين توصف سعادتهم كانت أزاي

إحنا سعداء بالإنجازات اللي بتحققها مؤسستنا، شباب بتحب مصر، واهمها رسم البسمة على وشوش الأطفال، ونفخر من الرسالة اللي بنسعى لتوصيلها للمجتمع.

وطبعا بنشكر شركة VISA ، على مجهوداتها الرائعة، وتعاونها المثمر معانا، وده يعتبر تحقيق للمسئولية المجتمعية اللي بتحققها الشركة، ولها جزيل الشكر لتعاونها مع المؤسسة لحضور أصحاب الهمم المباريات، بصفتها الراعي الرسمي للبطولة، وقريب هيشارك معنا أطفال تانين حلمهم حضور المباريات.