—————- أنا مين ؟؟
أنا منك .
. أنا ليك أنا ضحكة حلوة تزين شفايفك
أنا طبع الحسن اللى فى خدك أنا حبك ..
أنا نقطة ضعفك أنا حته منك وإليك
مش صعب أنى أحسك من غير ماتشكى
ولا صعب إنى أسمعك من غير ماتحكى
فى بينى وبينك جسور مهما كان البعد قريب
والطريق بينا طويل بتوصلنى ليك
يا اجمل قصة فى حياتى خطواتى بتجرى عليك
كمل معايا مشوارى شيل معايا أحمالى
نادينى بإسمى سمعنى صوتك خللى الزمان يحلو بيك
يانصى التانى ليه بتخبى وساكت ليه
عنى الحب تداريه ودايما شارد
ده أنا منك وليك أنا نقطة ضعفك
أنا حته منك وإليك
