مصعب عبد الفتاح موظف بسيط درجة تالته بكليه الهندسة جامعة القاهرة ومن كتر ما سمعت عن محاربة الفساد والفاسدين كتير صدقت وافتكرت ان فى حاجة فى البلد دى اتغيرت بجد فقدمت ببلاغ للنيابة الاداريه عن اهدار مال عام هو مش كتير صحيح بس بردو فى الاخر اسمه مال عام حتى لو كان مبلغ صغير حسبة 10 او 15 مليون فى السنة بس بيتصرفو عن طريق صرف مستحقات ماليه مرتبات و مكافءات وخلافه لعدد من الافراد بعد خروجهم من العمل و احالتهم للمعاش بعد سن ال 60 رغم ان فى قرار بمنع تعين اى حد يطلع معاش تحت اى مسمى وظيفى و اى ميزانيه من رئيس الجامعة رقم 750 لسنة 2015 و النيابة الادارية عملت اللى عليها و اهتمت بالكشوى و تحولت لقضيه برقم 364 نيابة نعليم عالى و بالفعل تم استاذان الجامعة لمباشرة التحقيق و ده اجراء طبيعي من النيابة لكن الجامعة رفضت ان النيابة تحقق و وقالت هتحقق هيا طبعا عشان زيتنا يبقى فى دقيقنا و مفيش حاجة تطلع بره و غسيلنا الوسخ ميتنشرت وكده و عملت تحقيق داخلى فى الشؤن القانونيه فقط بجامعة القاهرة رقم 388 و بدون اى مقدمات ومن غير ما يحققو حتى ولا يفكرو فى طبيعة الشكةلا وانى اصلا بطالب بتطبيق قرار رئيس الجامعة تم ايقافى عن العمل ثلاث شهور او لحين التهاء التحقيق و بالفعل ثبتت صحة شكواى بالمستندات و اتضح فى التحقيق وجود اسامى ناس لسه موجودة وبتقبض مرتبات فى الجامعة بحجة انهم خبرات و هما فعلا خبرات مش موجودة كتتير هنجيب منين مدير حركة سيارات يستحمل يشغل 6 سيارات بحالهم و مدير تانى بردو لاتوبيسات الطلبة وعمال نضافة وامن دى ناسا معندهاش الخبرات دى و مع ذلك سابوهم هما و مدو الوقف ثلاث شهور تانى بحجة عدم انتهاء التحقيق و استمرار معاقبتى طبعا على اللى عملته ازاى ابلغ عن اهدار مال عام والسفاله ان البلاغ يطلع صح مش شكوى كيدية و كان لازم اتوقف طبعالمجرد انى موظف بسيط ابلغ عن فساد بقيادات الكليه الكبار اللى هما كمان موجودين بعد سن المعاش وهما نفسهم مخالفين للقرار وطبعا مش مهم البلاغ ولا الفساد ولا المال العام مالورق ورقهم والدفاتر دفاترهم و مش مهم ان فى اسرة و الولاد واقساط مش مهم اى حاجة غير ان اللى بلغ يتعلم الادب ويبقى عبره لاى حد يفكر يعمل زيه تانى بصراحة انا حرمت ولو شوفت سرقة ولا رشوة ولا اى حاجة مش هتكلم تانى انا غلطان ان افتكرت ان فى بلد و مؤسسات بجد لكن دلوقتى بقيت فافد الامل بصراحة وعرفت اننا زى محنا متغيرناش و مش هنتغير ولو عليا عادى مكنش همنى بس فى اطفال بيتعاقبو ملهمش اى زنب غير انى ابوهم
