هى نقابة الأطباء شايفة أنه من حقها أنها تنزل فى الشارع

كتب الأعلامى /حسن زين الدين

مدير مكتب الغربية

 وتخترق قانون التظاهر وتعطل المرور عشان تعبر عن غضبها من حادث فردى بين أمين شرطة ودكتور، إذا فالناس المريضة دلوقتى اللى حضراتكم سايبنهم فى العيادات والمستشفيات بدون دكاترة هما كمان من حقهم يقطعوكم . ولو الأطباء نفسهم شايفين أنه من حقهم أنهم ينزلوا يتظاهروا ويعملوا إضراب عشان مشكلة فردية مع شرطى أخطأ، فالناس اللى أنتو نسيتوا فى بطنهم الفوط والمقصات، واللى أنتوا قتلتوهم وسببتولهم العمى بإهمالكوا، دول بقى هما كمان أهاليهم ينزلو يقطعوكم . ولو أنت يادكتور شايف أنك نازل عشان تتظاهر وتعبر عن غضبك

عشان مشكلة فردية مع فرد شرطة أخطأ، أمال حضرتك رافع صور محبوسين من الإخوان ليه .؟ ولو حضرتك شايف أن نزولك ده مجرد تعبير عن الرأى والغضب ملوش أهداف سياسية تانية، يبقى اشمعنا قناة الجزيرة بتنقل مظاهراتك واشمعنا صفحات الإخوان وأعضاء 6 أبريل كلهم متضامنين معاك ونازلين يتظاهروا جنبك.،

ولو أنت شايف أن من حقك تثور وتغضب عشان حادث فردى بين دكتور وأمين شرطة، يبقى الناس اللى بتطردوهم وتسبوهم من غير علاج فى المستشفيات عشان ممعهمش حق الكشف يعملوا ينزلو هما كمان يقطعوكم .وطبعا ياسيادة نقيب الاطباء الدكاتره هيضربو فى المستشفيات الحكوميه اما عيادتهم الخاصه والمستشفيات الخاصه اللى بيدبحو فيها الناس هيشتغلو ا وينسوا كرامتهم .

كان نفسي اسمع أو اشوف أطباء مصر عاملين قافله طبيه للعريش أو رفح علي خط النار لمساندة جيش بلدهم والسؤال هنا هل لو كانت المشكلة دى بين مهندس ودكتور أو بين مدرس ودكتور كانت هتبقى نفس النتيجة؟، ولا هو تربص بجهاز الشرطة و خلاص يانقيب الاطباء ياخاين