الحلقه الثالثه ( يوميات زوج مطحون )بقلم الاعلامية والصحفية/شرين جاد

كتبت الاعلامية والصحفية /شرين جاد

مدير مكتب حلوان

مرت الايام .. واتي يوم الخميس ورجع الزوج من الشغل في وقت بدري علشان يستحمي ويوضب نفسه ولكن الزوجه عادت قبل المغرب

الزوج :

ايه اللي اخرك كده يا حبيبتي

الزوجه :

كان عندي شغل لازم اخلصه

الزوج :

ربنا يعينك يا روحي .. انا استحميت وهلبس هدومي .. ادخلي بقي استحمي عشان نخرج

الزوجه :

اسفه .. مش هقدر لاني تعبانه

الزوج :

ليه بس يا عمري الف سلامه عليكي فيه ايه اوعي تكوني بترجعي وكده

الزوجه :

ايه هو اللي كده

الزوج :

ايه يا حبيبتي مش فاهمه

الزوجه:

لاء مش فاهمه الزوج : يا روحي اقصد الحمل

الزوجه :

بكل عصبيه لاء .. مش حامل هو انت ليه مصمم اني حامل

الزوج :

بكل اسي وحزن .. طيب يا حبيبتي

الزوجه :

علي فكره انا باخد حبوب لمنع الحمل

الزوج

: نعم !! ليه بس كده يا روحي ده حرام وقبل كل شئ خافي علي صحتك غلط عليكي انتي عارفه صحتك عندي غاليه اوي

الزوجه :

ممكن نغير الموضوع ده

الزوج :

حاضر ممكن نخرج بقي الزوجه : بس ممكن انام ساعه واحده بس

الزوج :

نوم العافيه حبيبتي .. ومرت الساعه ودخل الزوج المكسور ليوقظ زوجته الحبيبه

الزوجه :

سيبني انام كمان شويه

الزوج :

يلا يا روحي بلاش دلع بقي وظل الزوج يداعبها برقه وحنان حتي تصحو

الزوجه :

طيب .. طيب ،، وقامت الزوجه من نومها ودخلت للاستحام وارتدت ملابسها

الزوج :

بكل سرور .. يالا بقي تحبي نخرج فين

الزوجه :

الوقت متاخر

الزوج :

يعني ايه مش فاهم

الزوجه :

يعني لو هنخرج نتمشي نص ساعه بس ونروح لماما علي طول انت عارف ماما ست كبيره وبتنام بدري

الزوج :

نخرج النهارده كله وبكرا نروح لماما

الزوجه :

لاء مش هينفع نروح لماما بكرا عشان جاي ليها ضيوف يخطبوا اختي الزوج : الف مبروك يا حبيبتي ربنا يتمم ليها بخير نروحلها بعد بكرا

الزوجه :

لاء مش هينفع عشان الشغل

الزوج :

يا حبيبتي ما انت اللي اخرتي عليا ورجعتي نمتي كمان .. انا مش بعاتبك صدقيني لكن التاخير عندك انت

الزوجه :

انت هتذلني ولا ايه

الزوج :

ده كلام بردوا يا حبيبتي انا اذلك !! عيب عليكي

الزوجه :

طيب يالا نخرج ونروح لماما

الزوج :

يالا حبيبتي .. وخرجوا مع بعض وراحوا يتمشوا واتفقوا انهم ياخدوا اجازه ويروحوا من بدري عن مامتها عشان يتفسحوا … وما ادراكم بالخروج مع حماته ………….. هحكي لكم بعدين بقي ………. ……………………………………………….يتبع …