روح يا اخويا كتك الارف دايماً كسفني كده وسط اهلي وخايب وتغرق في شبر ميه الحما : كتك نيله انتي اللي مسكتي فيه كان ماله عيسوي ابن خالتك مبيض محاره اد الدنيا ومعيش مراته في هنا
الزوج :
اسف يا حبيبتي اسف يا حماتي .. بس قالولي الحاجات دي ممنوع تدخل عندنا
الزوجه :
اهو انت كده ما تسترش في حاجه
الزوج :
طب خلاص حبيبتي .. نقعد نشرب حاجه وبعدين نطلع ندور علي الاكل ده في اى حته
الزوجه :
بلا اكل بلا خلافههي خروجه باينه من اولها
الزوج :
خرج من المطعم مع العائله مكسور كالعاده الحما : تنظر بجانبها تلاقي عربية حمص الشام تقول لزوج بنتها نفسي في حمص الشام روح بسرعه هاتلنا
الزوج :
يجري بسرعه يعدي الشارع عشان يراضي حماته ومراته وتخبطه عربيه يا عيني
الحما :
تجري عليه وتقوله جرالك حاجه يا مدهول
الزوج :
لاء يا حماتي الحمد لله كويس رجلي بس وجعاني حبه
الزوجه :
طب روح بقي يا اخويا هاتلنا الحمص الراجل هيمشي هو احنا ما نعرفش نستفيد منك ابداً
الزوج :
ماشي يا عيني بيعرج علي رجله ورايح يراضيهم ويجيب الحمص وما ادراك بالمنظر الرهيب ده الحما والزوجه قاطعين الكيس وبيشفطوا ميه الحمص ويلقطوا الحب وبعدينيرموا الكيس في الشارع
الزوج :
يوقف تاكسي عشان يكملوا خروجتهم ويروحوا السينما يتفرجوا علي فيلم كوميدي جنان الزوجه :
خلينا نضحك شويه بقي بدل الهم بتاعك ليل ونهار
الزوج :
قطع التذاكر ودخلهم يقعدوا واشتغل الفيلم
الحما :
قدامها قاعد واحد لابس طاقيه وهي مش شايفه مش عارفه تتفرج قالت للراجل شيل الطاقيه دي مش عارفه اتفرج
الرجل :
بص لها وقال فيه حاجه اسمها لو سمحت ده من باب الاصول والزوء والادب
الحما :
ادب انا بقي هعلمك الادب وقلعت الحذاء وهاتك يا ضرب
الزوجه :
هي كمان بتضرب مع والدتها
الزوج :
يا جماعه عيب كده .. وتنهال عليه الضربات هو كمان وتضاء الانوار وينتهي اليوم بوجود الشرطه واخذ الزوج الي مركز الشرطه لاحرار محضر ودفع غرامه 10 الاف جنيه للخسائر والتلفيات
الزوجه :
دي جوازه تقرف وخروجه مهببه
الحما :
صحيح .. من خرج من داره اتقل مقداره
الزوج :
قام بتوصيل الحما وذهب مع زوجته للبيت وهو منكسر كالعاده …………….. يتبع