بهذا أعزائنا القراء نكون قد أتممنا نشر القصة الكاملة للأعلامية /شرين جاد وهى قصة من الواقع اليومى لزوج مطحون ويارب نكون أسعدناكم والى اللقاء
في صباح يوم الفرح يتجه الزوج الي الفيس مسرعاً ليحادث زميلته وحبيبته ويفاجئ بعدم ارسال الرساله الزميله عملت له بلوك مسحته دلتته من حياتها ما كنتش عارفه انه زوج صاحبتها والزوج كالمجنون يتصل بالتليفون ( مغلق ) كمان .. يحادث نفسه هي راحت فين دي وحصل ايه انا هتجنن عليها
الزوجه :
لاول مره تتصل بالزوج حبيبي انت فين
الزوج :
حبيبي .. غريبه دي اول مره تقوليها
الزوجه :
عادي يعني هو انت مش حبيبي وجوزي .. يبقي ايه المشكله
الزوج :
مافيش مشكله خير عاوزه حاجه
الزوجه :
آه طبعاً انا عاوزاك في موضوع مهم يا ريت تيجي بدري تتكلم
الزوج :
حاضر .. ويتجه الزوج الي البيت
الزوجه :
فور دخوله تتجه اليه الزوجه مسرعه وحشتني اوي
الزوج :
يستغرب من الكلام .. انتي تعبانه يا حبيبتي .. مالك
الزوجه :
تضحك وتقول ابداً انا قررت اتنازل عن قرار الحمل اللي كلمتني فيه وهتراجع وهخلف منك ان شاء الله
الزوج :
معقول ايه ده انتي انتي ولا حد ثاني انا مستغرب منك اوي
الزوجه :
طب تعالي نقعد ونتكلم
الزوج :
كمان أكل بيتي أومال فين الدليفري
الزوجه :
بعد الغدا عملت عصير ووديته للزوج وهو بيتفرج علي التليفزيون
الزوج :
بيكلم نفسه هي مالها .. ايه غيرها ,, ليه اهتمامها مره واحده زاد كده ,, كلام كثير جواه .. معقول بعد ما اتعلقت بغيرها بس هي فين راحت اختفت ليه وراحت فين واحشتني اوي
الزوجه :
مالك يا حبيبي بتفكر في ايه وسرحان
الزوج :
هاا .. لاء ما فيش شوية مشاكل في الشغل
الزوجه :
خير ان شاء الله .. هتتحل قريب بس انت متزعلش
الزوج :
ان شاء الله وتستمر الحياه علي هذا الحال الزوج بيدور علي حبيبته والزوجه اختلفت معاملتها معاه وتتوالي الايام وتحمل الزوجه وتنجب طفل جميل وتعزم الزوجه صديقتها الحميمه علي السبوع ويتفاجئ الزوج بوجودها وانها صديقةزوجته .
. يسكت ويفهم سبب البعد ,, وتغير الزوجه تجاهه وتذهب الزميله بعيد ويبقي الزوج حبيس ذكرياته ويكمل في حياته لان واجبه يحتم عليه ذلك وللاسف حبه لزوجته ضاع في ظل حبه لزميلتها التي تركته وحده في عالم ملئ فقط بالذكريات …..
