في يوم راح الصياد ع الشط يصطاد واخد معاه صنارته والطعم مالي الشباك .. حدف الشبكه وفيها طعم من جميع الالوان .. طلعتله سمكه جميله علي قشرها كل الالوان .. بص في عيونها وقال عيونك زي حبيبتي اللي خطفها البحر مني من زمان … ضحكت السمكه وقالتله ماعرفتنيش ياولهان … قال ياتري انا بحلم وﻻ عقلي بقي في هذيان .. في سمكه بتتكلم وﻻ انا في حكايه من قديم الزمان … قالتله نسيت صوتي هو كمان .. قالها انتي بجد وﻻ ادي تهيئات صياد غلبان … قالتله اسأل قلبك راح يدلك انا حقيقه وﻻ خيال من الزمان … فجأه كده أهتزت الشبكه قام ياعيني من نومه الصياد الغلبان … أتاريه كان بيحلم ع الشط وناسي ان الشبك في البحر فيه الطعم الوان … وعجبي ..