من فضلك اختار القائمة العلويه من القوائم داخل لوحة التحكم

بالبلدي كدا تضمنلي ما يرجع خيرها لغيرها

 

 

8001_303942473031024_63124453_n

كتبت نهي عبد الخالق

انا موافقة عالتقشف والجوع والمرض والغلاء لحد 2018 هضمنلك بطني متجوعش وجسمي ميمرضتش هصبر واصبر بس انت ياابن الحلال هتضمنلي رجالتك بتوع الكهربا والميه والغاز والايجار يتقشفوا ويعفوني طب بلاش ديه هضمنلك منعلمش عيالنا ولا ناكلهم ولا نلبسهم ولا نعالجهم بس انت ياابن الحلال هتنضف مستشفياتك المجاني وتطهر تعليمك الي يجيب تخلف وتنضف وزاراتك طب بلاش ديه هستغني عالسلع الترفيهيه والاساسيه هتنازل عن حقي في مصر واصبر سنه وانا ايه يضمنلي بقي بعد ما انفذ وعودي معاك الاقيك لا غيرت حكومتك ولا ظهرت بطانتك والاقي الفساد انتشر عالسرطان فالجسد لا فيه ثواب ولا عقاب مين بيحاكم مين ليه الشعب هو الي يحاسب عالمشاريب ما تاخد ضرايبك من الغني وتوزعها عالفقير هتشيل الدعم هتعمل زي الي عره ولاده وهما نايمين في عز البرد عشان يغطي عربيته زي الي بيجوع ولاده عشان يحط بنزين العربيه ايش ياخد الريح من البلاط ليه عاوز تاخد من معدومي الدخل الي في تعداد الاموات احذر قوت الغلابه عاوز تصلح وتبني يبقي تيجي عالمسولين والجيش والشرطه والقضاه والوزراء والبرلمان مش تيجي عالمواطن الي شحته

نبذة عن الكاتب

مقالات ذات صله

الرد