من المنبع للمصب.. نهر النيل خالي من البلاستيك

من المنبع للمصب.. نهر النيل خالي من البلاستيك

كلين شورز نظمت حملة لتنظيف نهر النيل من مخلفات البلاستيك
تعديل بسيط..
هي مكنتش حملة واحدة بس لإن إحنا أقوى من كدة طول ما أنتوا في ضهرنا وبتدعمونا

وبجهود شبابنا اللي شارك وتطوع بوقته ومجهوده قدرنا نكون 3 حملات شغالة في نفس الوقت، وفي 3 محافظات مختلفة، منهم مدينة السحر والطيبة والتاريخ والعظمة محافظة اسوان.
للمرة الرابعة تبهرنا ويبهرنا شبابها بإيمانهم بفكرة الحملة، “الحد من استخدام البلاستيك”.

شارك معانا في الحملة 12 متطوع ومتطوعة، باستضافة فندق موفنبيك أسوان ونحب نشكر أ/ وائل علام، مدير الفندق علي دعمه للحملة، وأ/ أحمد محفوظ، مساعد مدير المكاتب الأمامية، وتمت الحملة بمشاركة دكتور عمرو محمود، مدير الحديقة النباتية في أسوان، اللي بيشترك ويدعم كل حملاتنا في أسوان، وقدرنا نرفع 15 شوال من المخلفات البلاستيكية

وشكر خاص للإنسانة اللي قدرت تجمع وتنظم الشباب في اليوم بالشكل الجميل ده منسقتنا الرائعة في أسوان، ايات سعد

مننساش أبدا شركاء النجاح اللي معانا من بداية المشوار ومكملين إن شاء الله، جروب ترافل سيكرتس Travel secrets
والمركز الإعلامي للأمم المتحدة بالقاهرة

أنت كمان تقدر تشارك وتكون جزء من التغيير سجل للتطوع معانا في حملة
https://docs.google.com/forms/d/e/1FAIpQLSce6YFSjoz9uFe3pgevsCf660sBdcdl70PDnJ1Hfz21W1DaYg/viewform?vc=0&c=0&w=1