تحالف كلين شورز يصل الي البحر المتوسط في محافظة بورسعيد

“المكان سر العنوان، فأجعل نظافتك عنوانك”

تحت الشعار ده اشتغل متطوعين حملة كلين شورز بالتعاون مع جمعية الحفاظ علي البحر المتوسط في مدينة بورسعيد، 20 متطوع ومتطوعة قرروا يبدأوا التغيير بنفسهم ونزلوا أحد الشواطئ العامة في بورسعيد وقدروا يجمعوا 10 جوالات من المخلفات البلاستيكية وغيرها

الشواطئ مكان كلنا بنستمتع بيه ولينا كلنا ذكريات علي شاطئ مختلف في مصر ليه نسيب المكان اللي بنحبه بالمنظر الغير لائق ده ؟؟

ساعدونا وساعدوا متطوعين حملة كلين شورز وابدأوا واحنا بنمدلكوا ايدينا تبدأوا معانا لو حابب تطوع معانا في محافظتك كلين شورز بتدعم أي حد بيشاركنا هدفنا “الحد من استخدام البلاستيك” ومستعدة تشتغل في كل محافظات البحرين المتوسط والأحمر

وتأتي هذه الحملة ضمن ٣ حملات نظمتها كلين شورز في الجيزة بحضور معالي وزير الشباب والرياضة وفي محافظة أسوان وفي محافظة بورسعيد وكل ذلك بالتعاون والشراكة بين مؤسسة شباب بتحب مصر والمركز الإعلامي للأمم المتحدة بالقاهرة