أغنية ل كورونا

 تأليف: جمال سعيد الغرباوى

أبيات بالعامية فرضت نفسها في هذه الظروف

يا حبايب لما تزورونا
هاتوا شوكولاته الكورونا
كل واحد يلبس جوانتى
أيوة يا غالى إنت وإنتى
على وشوشكم الكمامة
بتدارى أحلى ابتسامة
مش عايزين ابتسامتكم
المهم سلامتكم
وكمان سلامتنا بالمرة
مش عايزين نطلع برة
قعدة البيت الجميلة
اللمة الحلوة مع العيلة
نصلى جماعة مع بعضينا
من ماء زمزم اتوضينا
حاتقوللى جيبتوا زمزم منين
زمزم يا غالى نور العين
طول ماحنا مع بعضنا حلوين
بيدفينا شوق وحنين
وكل قعدة واحنا
طيبين ومنورين
بس اوعوا تكونوا يا غاليين
طهقانين وزهقانين
السيسي جاب ٥ علاوات
حايخلوا حياتكم شربات
كان نفسى ياريس تجيبهم
ف ظروف أحسن من كدا
عشان كنا حانشيلهم
لخروجة جميلة ألسطة ورضا
دلوقتى حا نعمل بيهم إيه؟
ولا لحمة ولا كفتة وبانيه
نفسنا والله ياسيسي مسدودة
م الحبسة الهباب السودة
بس اقوالك ولا يهمك
هاتهم واحنا حانتصرف
بابتسامتك نتشرف
أحلى قرار ف أحلى نهار
واحنا ياسيسي ف الانتظار
بس قول لوزيرك معيض
نفسيتنا ف الحضيض
ابعد يا معيض عنا ضرايبك
ربنا يكفينا شر مصايبك