من فضلك اختار القائمة العلويه من القوائم داخل لوحة التحكم

إتقوا الله ينجيكم

هيام محي الدين

تحس ان الفيروس دا جه في وقت الناس كانت خلاص محتاجه قلم يفوقها من اللي هي فيه قلم للصين والهند على قتلهم للمسلمين .

قلم للسعودية على استهانتها بقدسية ارضها والحفلات والمسخرة اللي بتحصل قرب الحرمين الشريفين والانحلال .

قلم لأمريكا واوروبا اللي افتكروا أن مافيش أكبر منهم .

قلم للعايش دور الشيخ وهو فى الحقيقة ظالم و مفترى .

قلم للبيوت اللي اتفككت وأصبحت الاسره مفككه بسبب الظلم و الافتراء على الاستقرار .

قلم للمسلمين اللي بعدوا عن ربهم وبيوته في الأرض فمنعهم عنها بالإكراه .

قلم للي افتكر ان الموت بعيد عنه وعن احبابه فقطع رحمه وخاصم أهله لأسباب دنيوية تافهه وفجأة لقوا الناس ب تتخطف منهم .

قلم للعمال اللي كانوا يسمعوا الأذان ويخافوا على أكل عيشهم من ٥ دقايق يوقفوا فيها ونسيوا أن ربنا هو الرازق ونداء حي على الصلاة ف لقوا نفسهم قاعدين ف بيوتهم بدون عمل واشغالهم وقفت .

#الفيروس جه فجأه وللعالم كله بغض النظر عن اختلافات جينيه أو عوامل طقس أو جغرافية الدول المختلفه كأنه بيثبت للبشر انهم واحد وكفايه عنصرية وغباء ..

#الفيروس جمعنا ووحدنا كلنا مع بعض .

#الفيروس جه قلم لينا كلنا بس يارب نفوق .

واخيرا .. اللَّهُمَّ إِنِّي أَعُوذُ بِكَ مِنْ زَوَالِ نِعْمَتِكَ وَتَحَوُّلِ عَافِيَتِكَ وَفُجَاءَةِ نِقْمَتِكَ وَجَمِيعِ سَخَطِكَ .

نبذة عن الكاتب

مقالات ذات صله