كلمـات: الشبـل اليمانـي [ إســـلام أميـــن الحيِّــي ]
في العاصمـه لـي حكايـه
مِـن صِـدق ما هـي روايه
عاشـق و لـي ألـف غايــه
واسمــي على كـل هامِــه
صدفــه بشخص التقَيتِه
فـي ذمتـي قــد هوَيتِـــه
مِن يــوم شفتــه ورَيتِــه
وانـــا ضحيــــة غرامِـــه
ولهان بِــه كيـف احاكيـه
انـي أحبــه وامـوت فيـه
مريـــت حتـــى ألاقيــــه
واصبحـت واقـف أمامِــه
بعـدا التفـت لـي وسلهـم
وانِّـــي بقُمــــري ملثّــــم
ما كنّــــــــه الا تقـــــــدَّم
نحــوي وصـوَّب سهــامِه
حالـــي وجـــذاب قمــري
لِه حســن فايـق ومغــري
بـدري علــى القلـب بدري
تقـــوم فيــــه القيامِـــــه
منقــش اليـــد والكـــــف
وناعس الطــرف واهيَـف
مِــن حــب يا نـاس ودَّف
واصبــح يلملِــم ركامِـــــه
يا نـــاس شكلـه فتنــــي
طرفــه ورِمشــه أســرني
والصـوت روعـــه وفنــي
عـــذّب فــؤادي قـوَامِـــه
فقلـــــت : باللـــــــه مهلك
لا عــــــد تخلينــــي اهلك
فقــال لـي اخطـى ورحلك
قبــل الزعــــــل والندامِــه
ناديــت لِـــه مــا سمعنــي
ومِــــن وصالِــــه منعنـــي
لكـــــــنّ قلبــــي دفعنـــي
بعـده ولا ادري علــى مِــه
وقلـــت أرجــــوك وقِّــــف
لـو أنـت صــادق ومنـصِف
يا ريــت لــو كنــت تعــرف
يا بو الحــــلا والوسامِـــه
راضــي بحربــك وسِلمَــك
علـى الأقــل قــول مسمك
أو هــات يا خِــــل رقمــك
ليــش الغـــرور والعدامِـه
وقَّـف وقـال : أيش تشتي
تشتي تضيّــع لـــي وقتي
أو أنـــت عالِــــم ومُفتــي
يســــرد لنــــا إهتمامِـــــه
ف قلـت له بيـــن احبــك
واقســــم بربـــي وربـــك
لا اصون عشقـك وحبــك
واحفــظ بروحـي مقامِـه
فقــال : كذب او شجـاعه
حبيــب فــي رُبــع ساعـه
كــاذب وينــوي خداعـــه
عاشـق عشـق في منامِـه
فقلت لــه أيــش تقصـــد
أصــدِّق النـــاس وابعِـــد
واللــه لابقــــى معانِـــــد
لومــا تفــك اللثامِـــــــــه
فقـال لــي : صِــدق منــك
إنــك وَفــي رغــم حــزنك
القلــب قـــد صــار رهنـك
والحــب مسـك الختامِــه
فقلـــت : يجعليَ السُّـــــم
وانـــوح فــي الليـل واهُمّ
لا اسمع ولا اطعم ولا اشُم
لــو خـــان قلبــي مرامِـــه
فقــال : أحبــــك وأكثـــــر
فقلـت : اللــــــــه أكبـــــــر
حسيـــت نفســـي مخـــدر
مِــــــن رقّتـه مِـــن كلامِــه
وقلــت : حيــــــا وأهـــــلاً
يا مَـن حَوى الحُسن والفـن
مكـــانك القلــــب يا مَـــــن
يفـــرِض علينـــا احتـرامِــه
وقلــــت لـــه : لا تغـــــــادر
إسمـــح لمجــــروح خـاطــر
أرجـــــوك مـا عــــدت قـادِر
” إرفــــق وفـــك اللثامِـــه “
فهـــم مـــرادي وقصــــــدي
وحــــط يــــــده بيــــــــدّي
فَ قلت لــــو زاد حــــــــدي
مابِـش عليـــــــا ملامِــــــــه
رفـــــــع حجــــــــابه ولا رد
وابسـرت ريـم الفـــلا اغيــد
وشعشع النـــور فـي الخــــد
كالبــــــــدر ليلـة تمامِــــــــه
يا نــاس مـا شفـــــت مثلــه
قــــد شـــــل قلبــــي ورحله
وهـــــز روحــــــي بقُبلــــــه
غـيَّــــــر لقلــبي نظامــــــــه
والليم فــي الصــدر جــذاب
والرمِـــش يقتــل إذا صــاب
والفــــم فـيـه العـســـل ذاب
أيضــاً و فــي الخــد شامِــه
حالــــي مدلــــع رومنســـي
قـــد شــل عقلــي وحســـي
وصــــرت ناســــي لنفســـي
يــوم صابنـي ب ابتسامِـــه
قـال الفــؤاد صـار لك أنـت
وانــــــا بحبــــك تطمنــــت
إن كنـــت حبيــت ادمنـــت
إنســى العتــب والملامِــــه
ف قلـــت واللي خلقنـــــي
وخـــلّ الاســــلام دينـــــي
لا بقـى معـــك فـي سنيني
حتــــى تقــــوم القيامِـــــه
