قال الله في محكم آياته : “* التين والزيتون وطور سنين..*”
راقت لي.. بمناسبة موسم قطف الزيتون.. أمثال شعبية عن الزيت والزيتون..
1- اللي إمُه بالبيت بياكل خُبز وزيت. 2- كُل زيت وناطح الحيط. 3- الخُبز والزيت سَبعين في البيت. 4- الزيتون ملك السفرة. 5- ما حدى بيقول عن زيتُه عِكِر . 6- تقول شجرة الزيتون : إبعِد أُختي عنّي وخُذ زيتها مِنّي. 7- سيل الزّيتون من سيل كانون. 8- أيّام الزّيت أصبَحت وأمسيت. 9- في أيلول بيدور الزيت بالزيتون. 10- الزّيات ببيّن من ثيابُه 11- الزيت الطيّب من الشّجر للحجر. 12- بأيام الزّيت بالكاد المرأة بالبيت تطبخ، وتكنّس البيت. 13- إن حَضَر القمح والزيت إتسوغرت مونة البيت. 14- إذا عندي طحين وزيت صفّقت وغنّيت. 15- شجرة الزيتون مثل ما بدّك منها بدها منّك. 16- الزيت عامود البيت. 17- أخضر الزيتون ولا يابس الحطب. 18- الزيتون زيتُه طيّب بس لقاطُه بشيّب. 19- الزيت بالعجين ما بيضيع. 20- كُل زيت على الريق بتصير أُوتوماتيك. 21- عليك بمسبح السّقي ومرصوع البَعل. 22- ما بِيطلَع الزيت إلاّ من كُثر العَصر. 23- زيتنا في طحيننا. 24- الزيتون النبالي زيتُه سيّال ولقاطُه بهدّي البال. 25- اقعد ببيتك وغمس خبزك بزيتك..
اسأل الله.. هو الذي في جلاله عظيم وعلى عباده رحيم وبكل شيئ عليم، وبمن رجاه كريم، وأن يكرمكم ويعزكم ، ويحبكم ويرحمكم ، ويغنيكم بفضله عن من سواه ، ويرزقنا وإياكم.. وكل موسم والجميع في خير وطمأنينة وراحة بال وسعادة وفي أتم الصحة والعافية والبركة..