كلمة كريم محمد  المتحدث باسم الجمعية المصرية لمرضى ضمور العضلات فى المؤتمر العلمى الدولى الثانى للتربية الخاصة ودورها فى تنمية المجتمع 

تكلم كريم محمد  المتحدث باسم الجمعية المصرية لمرضى ضمور العضلات فى المؤتمر العلمى الدولى الثانى للتربية الخاصة ودورها فى تنمية المجتمع 

عن نظرة المجتمع وهى مشكلة تواجه  ذوى الاعاقة فى عصرنا الحديث واكد  على ان المشكلة هى فى عصرنا الحديث ولا يوجد  مثل هذا التاثير السلبى فى ازمنة مختلفة 

وسلط الضوء نحو ذلك  وقال

لو تعمقنا فى التاريخ شوية مر علينا عصور كتير مسمعناش عن المعاقين فيهم  على الرغم من وجود اشخاص عندهم اعاقة فى ازمنة مختلفة

عايز اعطي لكم  نماذج مين يعرف الصحابى عبد الله بن ام مكتوم رضى الله  عنه  كان اعمى والنبى صلى الله عليه وسلم  استخلفه على المدينة فى عامة غزواته

الصحابى عمروبن الجموح  الى اصر يخرج فى غزوة احد واستشهد 

وقال كريم ايضا

عملت بحث سريع  وجد حوالى 9 من الصحابة عندهم اعاقة

كلنا نعرف صلاح الدين الايوبى  بس نعرفه من الافلام والمسلسلات لكن منعرفش صلاح الدين الى فى الكتب والمراجع  صلاح الدين الايوبى كان عنده اعاقة كانـ” اعرج “

وعلى مر العصور و خارج الشخصيات الاسلامية العظيمة

توماس ادسن مخترع المصباح والة التصوير اصيب بفقدان السمع

بيتهوفين
يعتبر من اعظم  عباقرة الموسيقى على مر العصور  فقد سمعه ودا اصعب شئ ممكن يحصل لملحن واكمل سونفنية له

وغيرهم كتير جدا من ادباء وكتاب

وفى عصرنا الحديث الاديب طه حسين المعرف وعمار الشريعى

كريستي براون كاتب ورسام واديب ايرلندى مولود بشلل دماغى  واكتشف لما كبر ان جزء منه بيتحرك  وهو قدمة اليسر واستطاع ان يكب ويرسم بقدمة واصبح كاتب ورسام

وختم كريم كلمتة  قائلا

الاعاقة هى فقدان الارادة

 الشخص الى عنده اعاقة هو يقدر يعمل كل شئ ولكن بشكل مختلف

عايزين نعدى نقطه نظرة المجتمع الناس دى ” يقصد اصحاب الهمم ” محتاجة فرص حقيقية انا ذكرت بعض من مشاهير لكن فيه كتير جدا عندهم مواهب وبيلعبوا رياضة مش معروفين

وشكر كريم الدكتورة فاطمة العزب على انها بتسعى بكل طاقتها لاتاحة فرص لاصحاب الهمم من خلال المؤتمر