من فضلك اختار القائمة العلويه من القوائم داخل لوحة التحكم

ناس بوشوش

كتب / مصطفى المغربي

 

 

هي حياتنا دايرة ولفة زي عريس وعروستة ف زفة

ساعة وخلصوا وقت الفرح دخلو ف حزن وحيرة ولهفة

جوة حياتنا الفرحة بثانية مليانة ناس كرهانا بشدة

حطوا الفرق ما بينا وبينهم هما ف كفة واحنا ف كفة

ياما بتقابل ناس بوشوش ناس ف الغدر ما يتوصوش

عيش وملح مايتعاشروش والمصيبة ف الكدابين مش عايشين

زي ماعايزين مش عارفين فين رايح فين

واما بنسال ع الاخلاص بنلاقينا ف الناس تايهين

قولنا وقالوا وقالوا وقولنا ياما عابوا فينا

وجابوا سيرتنا مش ف دماغنا ولا يشغلنا

كنا صغار دلوقتي كبرنا عايزين ناس من لحم ودم ناس بتحس

وبينا تهتم مش رامين ف طوبيتنا ياعم

ده إحنا الخير جوانا كبير وانا عاملناهم بالمثل

بانت نواياهم ع الاصل طلعت ناس ملمومة بكسر

واخدين اوسكار ف التمثيل

نبذة عن الكاتب

مقالات ذات صله

الرد