من فضلك اختار القائمة العلويه من القوائم داخل لوحة التحكم

استغاثة أولياء أمور مدرسة إسلام مشهور تجريبي لغات

كتبت/الإعلامية إيمان خليفة

 بناشد وزير التربية والتعليم وخاصتا تعليم التجريبي لغات عن أوقاف المهزلة دي بجد ايه إلى بيحصل دا عايزين تعملوا آية تاني فينا انا ابني في مدرسة تجريبي لغات وطالع عنينا في المدرسة وبنجيب ستاير ومراوح ونظبط الفصل عشان ولادنا

يبقوا في جو دراسي راقي كما تعودنا بقالنا سنين ونفاجى بقرار ان مدرسة إسلام مشهور التجريبي لغات تستضيف مدرسة طه حسين حكومة عربي وتتحول الدراسه إلى فترتين حتى آخر العام ياعنى الترم التاني كمان دا يرضى مين ان ولادنا الي بتدفع لهم دم قلبنا وطول السنه طالع عنينا معاهم يروحوا المدرسة فترة الصبح من ٨ صباحا لحد ١٢ ظهرا

ياعنى الترم التاني ضاع ولا تعليم ولا غيره والكارثه الكبرى مستوى الطلاب الي في مدرسة طه حسين سب وقذف ونط من على الصور والفاظ غريبه وولاد معاها موس وايه القرف دا ابناءنا إلى مربينهم احسن تربيه ازاي هيتعاملوا مع فئة زي دي وكمان إتلاف الفصول والمدرسه على حساب مين احنا أولياء الأمور إلى بنعمل كل شيء بقالنا سنين ومحافظين على منظر ورقي المدرسه وهي من المدارس المميزه في تجريبي لغات

ازاي تستضيف مدرسه عربي مع العلم ان في مدرسة عربي رفضت استضافة مدرسة طه حسين خوفا من الضرر إلى هيقع على المدرسة والفصول انا بقدم شكوى رسمي على جميع التواصل الاجتماعي وفي الإدارة وانا همنع ابني من حضور الترم التاني لو بقى الوضع بالشكل دا انا مش مستغنيه عن ابني لأي ضرر يقع عليه واطالب من جميع الزملاء الاعلامين نشر مشكلتي على جميع القنوات والجرائد لوجود حل سريع والبت في الأمر والف شكر للجميع مقدماً الإعلامية 🌹 إيمان خليفة ✍️

نبذة عن الكاتب

مقالات ذات صله

الرد