فيه مفهوم خاطئ عن الزواج وهو إن لازم الزوج أول ما يدخل البيت ( عش الزوجيه) يرفع الصوت أوى ويتخلق بدون سبب فاكر إن هى دى الرجوله من وجهه نظره ولازم يمشى على نقط منظمه من تأليف الازواج اللى سبقوه وهى ما يلى :
(4) خليها دايما عن والدتها ( عشان توفر شويه من نفقاتها واهو انت كده بتبر بوالدتها
(5) لما يجى عيد ميلادها لصحى الصبح وأعمل إنك عيان عشان تهرب من الهديه .
(6) حسسها دايما إن القاعده فى البيت أحسن بكثير من الخروج إللى كله مصاريف على الفاضى ( وطبعا ده كله توفير ليك )
(7) خليك دايما خارج البيت ومترجعش إلا على النوم منعا للاحتكاك أو المشاكل .
(8) أهم حاجه إذا حاولت تقول رايها كشملها علطول وأدخل فيها شمال . (هاا إيه رأيك فى النصائح التمام دى ) طبعا الكلام ده كله ملوش أى أساس من الصحه وكلام أزواج فاهمه الحياه الزوجيه غلط. يا أزواج الزوجات محتاجه فن فى المعامله والحياه الزوجيه مش كده خالص العكس ممكن تكون حياه سعيده اوى بس لو اتبعنا نصايح بسيطه تيجوا نشوفهم وبعدها الحياه هتبقى بمبى بمبى على رأى السندريلا يالا بينا نصحح الوضع الغلط ده ونكسب الزوجه
(1) أول طريق لكسب الزوجه هى إرضاء والدتها لازم تتعامل معاها باحترام وتحسسها انك بتحبها زى والدتك حتى يا عم ( لو كده وكده) يعنى هتخسر إيه
(2) الكلام المعسول هو الطريق المباشر لقلب الزوجه يعنى قولها مثلا وحشتينى النهارده اوى أو أنا جيت بدرى مخصوص عشان أقعد معاكى وشوف بقى أيه إللى هيحصل
(3) حسسها دايما ان البيت من غيرها ولا حاجه وإنها الوحيده إللى تخلى البيت ده جنه عشان هى موجوده فيه وإنك متقدرش تعيش ثانيه واحده من غيرها
(4) دايما قولها إن أيام الخطوبه حلوه بس بعد الجواز أحلى . هاا … شوفت بقى حاجات بسيطه بس مفعولها سحرى ولا إنت عندك رأى ثانى على العموم أنا قولتلك وخلاص وإنت حر بقى إختار إللى يناسبك و إللى عاوز تعيش فيه خلاص لحد هنا أنا خلصت كلامى وعن إذنك يا عم الزوج عشان أنا عندى أزواج كثير ثانيه حالها مش عاجبنى وعايزيين دروس كثيره فى فن معامله الزوجات ..
