رساله لكل زوج أنانى….بقلم /شرين جاد

 .

… يا سياده الزوج طبعااا طول اليوم فى شغلك وبتهزر وتضحك وتكلم ده وتلاغى دى

.. واول ما ترجع البيت يجى على وشك تكشيره وتغضب وتشخط وتتشخص مع انك من ثوانى كنت مبسوط وبتضحك ..

ولما تبقى قاعد بتتفرج على التليفزيون على هيفاء ونانسى وسيمون ..

وتقول فى بالك اهى دى الستات او تعلى حسك وتقول شوفى يا مدام شوف ازاى تبقى الستات ..

. ولا لما مراتك طول اليوم تمسح ؛ تطبخ ؛ شايله هموم ؛

حتى القعده او الراحه او حتى الفرجه على التليفزيون ..

كل ده مش من حقها او حتى تنام كام ساعه فى اليوم..

وانت بكل برود وسذاجه تقولها دورك ايه فى حياتنا أو انتى بتعملى ايه .

. حتى لما تقول ذاكر للولاد تقولها وانتى لازمتك ايه .

. كل حاجه على دماغها وياريت بتقدر وتريحها أو تيجى فى اخر اليوم تبتسم فى وشها وتزيل عنها الهموم .

. لكن جاحد عاوز طلباتك ومش عارف فين التزاماتك ..

خدها نصيحه من غير زوجه كل الحياه تبقى معكوكه .

. هى اللى شايله وعمرها ما بتشتكى و لا قالت نصيبى وقسمتى .

. دى طول الوقت راضيه وعايشه ومالهاش حس وزى النسمه

.. ياريت تتعلم وتراضيها وتتقى الله كده فيها ..

. بقلم : شيرين محمد جاد