كتبت شرين حجازى
مدير مكتب القاهرة
الزعامة مش مجرد منصب و السلام المسؤولية مش مجرد مكتب و لقب رءاسة بلد مليانة بالمشاكل و تضخم سكاني عبء اكتر منها منصب. في ناس ممكن تتقلد منصب رءيس جمهورية و تدعي انها متحملة المسؤولية و انها بتدير البلد لكن المحصلة……صفر…..ديون.….تردي في كل الاحوال.
لما ربنا يبعت زعيم يفهم يعني ايه لقب زعيم في دولة عندها من نقاط الضعف ما يكفي قارة بحالها و اول نقاط الضعف دي….الملف الامني المستهدف من دول عظمى و اللي يندرج تحته الملف الاقتصادي و الملف السياسي. لما يواجه كل الظروف المأساوية دي وسط تجريح ناس كتير مش فاهمة و مش عايزة تفهم. ناس باصة تحت رجليها و بس و عايشة بمبدأ احييني النهاردة و موتني بكرة و متناسية مستقبل البلد حيكون شكله ازاي وسط كل التحديات اللي من شأنها تمحي دولة مصر من على خريطة العالم. يبقى احنا لازم ندعم رءيس بمقومات الزعامة المطلقة رءيس اسمه عبد الفتاح سعيد حسين خليل السيسي ….واجه النار…
.ايوة واجه النار عشان رفعة بلده تولى مسؤولية البلد وسط ظروق اكثر من قاسية
تولى مسؤولية شبه دولة. حارب و امن ووضع روحه على كف ايده رفض كل الصفقات اللي من شأنها اضعاف موقف مصر امام العالم رغم انه كان عارف ان ثمن التحدي مش قليل. بيبني و يعمر و يعيد بناء مؤسسات ضخمة تابعة للدولة كان تم اهملها من سنين لما احنا نسينا ان في حاجة اسمها صناعة مصرية. بيعمل كل دة عشان قوة البلد من قوة جيشها و قوة اقتصادها الريس قالها كلمة “من لا يملك قوته لا يملك قراره” رغم كل التحديات الحديدية اللي بتواجهه…
.صمد و تحدى و كان اد الموقف رغم اي تهديد جاله….سواء تهديد أمني لما الامريكان سألوه” انت مش خايف لا يتعمل معاك زي ما اتعمل مع السادات؟” و كان رده .
…ان كل شيء بإيد ربنا. تهديدات لشعبيته و مواجهة نمردة من ناس كتير للاسف مصريين و عدم اعتراف بأي مجهود اتعمل او بيتعمل في البلد. هو السيسي ماشي زي القطر ما بيبصش لا يمين ولا شمال و لا مركز في اي حد بينتقد اي وضع في البلد من شأنه يبخ طاقة سلبية السيسي مش بيبص غير قدامه بيبص للهدف اللي هو شايفه و عايز يوصل مصر ليه. الرءيس المصري الجنرال العنيد حفيد الفراعني خريج مصنع الرجال…المؤسسة العسكرية المصرية.
…خير أجناد الارض. زي ما تقول كدة ….ربنا بعتهولنا في وقت مصر كانت رايحة في نفق مظلم….ربنا اراد يتم نعمته علينا و بعتلنا زعيم ما بيخافش غير من اللي خلقه. أكبر مصنع أسمنت في الشرق الأوسط يا ريس؟ الله اكبر و ماشاء الله لا قوة الا بالله قادر ربنا يتم فضله و ستره و نعمته علينا. ما حيلتناش حاجة غير اننا ندعيلك يا كبير ربنا يحفظك و يخليك لمصر و اهلها. تحيا مصر
