فرحة النصر بعيون اولادنا……….. كتبت نهي عبد الخالق

 مع احتفالات اكتوبر المجيدة اللي بتزيد حبنا و تقديرنا لجيش مصر العظيم كان لازم نفرح اولادنا الايتام و ذوي الاعاقة في ايفنت يفموزضل في ذاكرتهم زي ما فرحة النصر في ذاكرة كل المصريين و في يوم 6 اكتوبر نظمت مهندسنة سمر حسب الله صاحبة مبادرة مصر تستطيع لذوي الاعاقة اللي احد اهدافها مشاركة ذوي الاعاقة في كل المناسبات مع السياحة المتاحة و المهيأة لجميع الاعاقات يوم لهم بدعوة من ممدوح الحلو رئيس مجلس ادارة Fantazy international circuis لاستضافتهم في عرض خاص و حضر عدد 600 فرد من جميع انحاء القاهرة لمشاهدة العرض اللي ابهر جميع الحضور من اولادنا و اسعد اهاليهم بفرحة اولادهم و في حديثها قالت مهندسة سمر ان السعادة نسبية و لازم نختار الطريقة اللي تناسب اولادنا و لما نقوللهم ان ده يوم اجازة لاننا كسبنا الحرب اللي هيفضل في ذاكرتهم ان ده اليوم اللي اتصوروا فيه مع الاسد و التعبان و شافوا عروض علي الطبيعة عمرهم ما شافوها في حياتهم و بكدة هيحبوا يوم النصر لانه سبب في سعادتهم اللي هتأثر علي نفسيتهم و اضافت ان فكرة السيرك من اجمل الاماكن اللي لازم كل جمعية و مؤسسة او مدرسة تنظم لها رحلة للاطفال و مع كل مناسبة بيكون في مشاركة لذوي الاعاقة و الايتام فيها لانهم جزء من المجتمع و ليست فئة مهمشة بما يتناسب مع اهتماماتهم و بمشاركة المجتمع المدني و اهل الخير