عيش حياتك ببراءة….شرين حجازى

عيش حياتك ببراءة عيش حياتك ببال مرتاح اوعى تدي نفسك اللوامة أجازة خليها دايما تفرملك اوعى تخاف غير من ربنا حط قدام عينيك دايما اليوم اللي حتسيب فيه الدنيا لانه جاي جاي. مهما اتظلمت….اوعى تظلم مهما قست عليك الدنيا…اوعى تستحل الغلط. اوعى تكون في يوم من الأيام ظالم…او تلبس توب غير توبك الاصيل اللي اتربيت عليه

. اعرف دايما انك بين ايدين ربنا اللي قال ” و ما ربك بظلام للعبيد” سبحانه….الدنيا كلها تهون في لحظة استغفار طالعة من القلب. كل التعب و الظلم يختفوا في اللحظة اللي ربنا ينصفك فيها. و اعرف ان لو كل اللي حواليك ماحدش حاسس بيك غير صديق او أخ أو قريب..

.انسان واحد بس يعزك و يهتم بيك من قلبه…اعرف وقتها ان ربنا بعته ليك رحمة من عنده و كون دايما متأكد ان مهما ناس كرهتك او ما كنتش عاجبها لمشاكل نفسية جواهم …فكون متأكد انك طول ما انت ماشي صح…عمر ما حد من اللي بيكرهوك حيلطل يحترمك…على الاقل في قرارة نفسه. و دايما خليك فاكر ان وسط قسوة الدنيا و قسوة ناس كتير حاول دايما تكون في معية الله و اوعى تنسى كلام رسولك الكريم عليه افضل الصلاة و السلام “

من أراد أن يكلم الله فليصلي و من أراد أن يكلمه الله فليقرأ القرآن” اللهم اجعل لنا في الصلاة قرة أعين و أعينا عليها ما احييتنا. اللهم اجعل القرآن العظيم ربيع قلوبنا و نور صدورنا جلاء احزاننا و ذهاب همنا و غمنا يارب العالمين…..اللهم امين.