بتسألي

بقلم عبير العزب

معاقه مصريه على الكرسي المتحرك تحلم بالعدل الإنساني للأشخاص ذوي الاحتياجات الخاصة

بتسالي بنحبك أيوه بنحبك يا مصر

أيوه بنحبك وعاشقين ترابك بس قولي ليه بنحبك وانتي قاسيه مبتحبيناش ليه بهواكي بتخنوقينا ليه من امانك بتحرمينا

ليه قولي اتكلمي ليه سايبه الكبار يخططتو ويدوسو علينا اه احنا بنحبك وأنت لازم تسمعينا

اوعى تسمعي الكلام وفي التراب تدفنينا انتي بلدنا ارضنا حسي بينا انتي أرض الغلابه مش غابه بس للديابه

اسمعي صراخ أولادك واصرخي وعلى صوتك ده موت شعبك يعني موتك احنا محتاجينك وتعبنا من صمتك وسكوتك

بس بردو بنحبك يا مصر بنحبك بجد وعشان اتحملنا وصبرنا وسكتنا سنين بس فاض الكيل بينا وجاين لكي نسألك

انتي كمان امتى هتتحملينا امتى بجد هتسيبك من المسؤلين الكذابين وتراعين امتى هتقفي معنا وتمسحي دموع عنينا

بنحبك يا مصر ولو انتي مبتحبيناش بالله يلا هاتي الكفن بقى وفي أرضك ادفنينا وهاتي أصحاب النفوذ والسلطه بكل سخريه يودعونا ويدفنونا يا مصر فينك بقى

اصحى واسمعينا اسمعي الغلبان قبل ما يفوت الأوان وتبصي حواليكي ولا هتجدي نفسك ولا حتى هتلقينا يا مصر اصحى اصحى وزى ما بنحبك انتي كمان حبينا