فينك وحشتني

بقلمي : فاطمة عقل

استنى شوية ليه ماشي بتجري

بنده عليك ؟!

من سنين وانت غايب بعيد

فينك وحشتني ناسك ..

. ليه بتدور وشك عني ومش عايز تسمعني

قولي مالك طب احكيلي ايه اللى جري

وغير كده حالي وحالك

طول عمري عايشة بذكراك الجميلة

وبشتاق لأيامك و فجأني برده وقال :

عمر ايامي القديمة ما هترجعلك

وبجد ماعدش ليا مكان زمني عدى

مبقاش هو زمنك لا انت انت نفسك

ولا نفس ملامحك هي هي ملامحك

بلاش تنادي مش هنتلاقى تاني

دور من تاني على نفسك على كل حاجه

زمان كانت بتفرحك وبتحلى كل سنينك

ويوم ما تلاقي نفسك تاني هرد عليك

لانى بجد مشتاقلك هو هو نفس الحنين

والاحساس الجميل هي ايامي معاك

صعب تنساني واسمك مكتوب فى تاريخي

نفسي اشوفك .