من فضلك اختار القائمة العلويه من القوائم داخل لوحة التحكم

بلاش تحريض بقلم/ ساميه ساطور

بقلم/ ساميه ساطور

الي الست نهاد القمصان ؟؟؟؟

والست فريده الشبيشي ؟؟؟؟؟والست سعاد صالح ؟؟؟؟؟؟وغيرهم من اصنافهم اللي عندهم فكر مشوه وكلام ليس له معنى ولا ذكر في اي دين من الاديان السماويه الكل رد عليكىم …. بس فى كلام مهم اتمنى من الله يوصل لكم واتمنى كمان لو تعرفوه تجاوبوني عليه هل الحاجه امك يااااا؟؟؟

ست نهاد كانت بالفعل علشان تقوم باطعامك كان لازم بابا الحاج ابو القمصان يعطي لها مقابل مادى ؟؟؟؟!!!!

اتمنى الاجابه على هذا السؤال ؟! انا باقول لك كده ليه لان الحياه الزوجيه شراكه بين طرفين الزوج والزوجه وكل واحد فيهم سواء الراجل او الست عارف يعني ايه الحقوق والواجبات بينهم متقسمة سبحان الله تلقائيا من غير ما يقعدوا ويصرحوا او يكتبوا اللى ليهم واللى عليهم المفروض في حاجه طبيعيه لان المفروض

اللي داخل ومقبل على مرحله الزواج لازم تكون.ناس فاهمة يعنى ايه شراكة مدى الحياة يعني ايه زواج يعني ايه ثاني بيت ثاني يتفتح يعني ايه الاثنين يرتبطوا ببعض مدي الحياة ويكونوا حريصين على تكوين بيت مليان حب وحنان وموده ورحمه ونتعودازاي نحب بعض بكل ما فينا من العيوب قبل المميزات والست لابد أن تكون ملزمة بكل ما تحمل المسؤوليه وتربيه الاولاد وفاهمة ان ربنا فى تكوينه لجسدها ونفسيتها مكنش صدفه ولا كده لا؟؟؟؟.

ده لحكمة سبحان الله الست بتحمل وتسهر وتولد وترضع وتأكل بنفس راضية وفي اسعد حالتها وفرحانه ومبسوطه هي الام يا ساده ست يعنى زوجه سند لزوجها مش ند له.ست تسند وتعين وقت الضيق والشدة ست عارفة امتى تكون ست البنات وامتى تكون بشخصية ب ١٠٠ راجل

فى بعض الأحيان ست ام واخت وصديقه وحبيبه وكل حاجه في الدنيا كلها لزوجها وأولادها ؟؟!

.ست يعنى قمر ضحكت البيت وردة منوره من غيرها الدنيا تضلم ست يعنى ام واخت وحبيبه وصاحبه لزوجها قبل ماتبقى ام لاولادها ست عطاء بلا حدود وبدون ما تنتظر مقابل مادي هي فقط تنتظر مقابل معنوي وده ابسط حقوقها ولكن هي ليست اجيره عنده اولادها وزوجها اجيرة تشتغل بالساعة علشان تتقاضى فلوس على حبها ورعايتها واهتمامها بيهم الست والراجل شركاء في خدمه اولادهم بدون انتظار مقابل

لان ربنا سبحانه وتعالى هو اللي امر بكدة الرسول عليه افضل الصلاه والسلام قال كل راعي مسؤول عن رعيته تيجى انتى على اخر الزمن فى الدنيا الصعبة على الأسر والبيوت تقولى الكلام الاهبل دة اتقوا يوما ترجعون فيه الى الله انتي وامثالك لان فيه نفوس ضعيفه البيوت مش متحمله هبلكم الناس ماشيه

ربنا وحده اللي عالم بينا وخراب البيوت الاولاد و طلاق الزوجات حاجه مش سهله ومش هين عند ربنا كفايه هبل وبلاش تحريض على خراب البيوت الراجل راجل والست ست الست ست مهما ان على شأنها ولان الرجال قوامون على النساء وده مش كلامي ده كلام ربنا ورسول عليه افضل الصلاه والسلام قال حديث لو امرت المراه تسجد لاحد غير الله لا امرتها ان تسجد لزوجها انتي و امثالك بقي يا ابو القمصان بتقولي ايه دي مؤامره مدبره ضد مصر لاني بناء مصر في بناء الاسره المصريه المستقره والعكس صحيح على ما اظن كده وصلت الرساله بس !!!!!؟؟؟

مصر في امان الي يوم الدين تاني مصر 🇾🇪 في امان الي يوم الدين

نبذة عن الكاتب

مقالات ذات صله

الرد