ثوره اخلاق…….بقلم الاعلامية/يارا سعيد

كتبت الاعلامية والصحفية /يارا سعيد

مدير مكتب القاهرة

 ياريت أول ما نربي ولادنا نربيهم يعني إيه أدب يعني أيه أحترام الصغير للكبير بلاش اول ما نربيهم نربيهم علي تف علي عمو يا حبيبي بلاش نزرع فيهم الحقد وعدم التسامح ونفضل نقولهم لو حد ضايقك اضريه اللي يضريك اضربه ويكبر ونقولوا انت ليه سلوكك عدواني لا عادي خالص نسيتوا اني انتوا اللي زرعتوا فيهم كده من شب علي شئ شاب عليه …….

ياريت لما نكون راكبين مواصلات نعلم ولادنا لما يشوفوا حد كبير ولا تعبان ولا ست حامل يقوموا ويقعدوهم ولو حد قالك لو سمحتي خديه علي رجليك علشان اقعد ميبقاش ردك يا ام يا مدرسه انا دفعاله تزكره ويقعد غصب عن أي حد يا سلام علي الاخلاق والله بقي لو في المترو وعلي الكراسي اللي مكتوب فوقيها مخصصة لكبار السن ولزوي الاحتياجات الخاصه ياللي فرحانين بالتزكره اللي انتي دفعاها لابنك ولا بنتك مفكرتوش في التزكره اللي هتكون اخر محطه فيها الاخره هتتحاسبوا بقي علي ايه ولا ايه سوء تربيتكم لولادكم ولا عدم الرحمه اللي في قلوبكم وزرعتوها للاسف جوه ولادكم ..أتقوا الله ..

لما ابنك ولا بنتك يشتروا حلويات بلاش لو سألكم ارمي الورق فين يبقي ردكم ارمي في الشارع هي جت علينا اه جت عليكم يا مربين يا فاضلين ليه دايما بنفكر بسلبيه في ناس بتسرق لازم نبقي زيهم في ناس ناس بترمي زباله في الشارع نعمل زيهم ليه منفكرش نغير السلبيه دي ونغيرها ونربي ولادنا صح .

.ولو عودتوا ولادكم يرموا زباله في الشارع واتربوا علي السلوك ده وعدم النظافه ممكن يعمل كده في البيت وساعتها تحصل خناقات ونسألهم انتوا جبتوا السلوك ده منين انتوا مش بتشوفونا اننا بنرمي في الباسكت يا سلام علي الاحترام المبادئ مش ببتجزأ زي ما بيتك وطنك عاوز تحافظ عليك الشارع ده هو جزء من وطن كبير احنا عايشين في ومن حقنا يبقي نظيف ونعيش في بيئة نظيفه وزي ما حضرتك يا ام مربيه يا فاضله بتتعبي في تنظيف الييت في عامل نظافه بسيط ممكن جدا يكون مريض وسنه كبير بينزل ويتعب وينظف الشارع علشانا الشارع اللي احنا اصلا محفظناش عليه ..فين الرحمه؟فين التربيه؟فين السلوك المحترم ؟؟

والبقية تأتي