من فضلك اختار القائمة العلويه من القوائم داخل لوحة التحكم

"سر انجذاب الراجل للموزز"

 

16807625_1230083917070085_1623550332666626756_n

بقلم أبن الجنايني

  زي كتير من الرجاله المحبوسه في قفص الحياه بيشدني الموزز .. فالشارع .. فكافيه .. جارتي .. او حتي بترقص في فرح .. فنانة مشهورة او مغنيه .. لو كنت مش مرتبط فبالتالي طبيعي جداً ان انجذابك هيكون نابع من رغبه فالارتباط وهتبقي شايف انك بتدور علي نصك الحلو .. ولو كنت مرتبط عاطفيا او متجوز .. هتكون الموزه من وجهه نظرك محصوره في أدوار زي ( زوجه تانيه – عشيقه تالته – حبيبه رابعه ) بعض الستات – أن لم يكن كلهم – هيشوفو انجذاب الراجل لأي موزه خيانه وقله أدب ..

وبما أني مؤمن أن مفيش حب للحب .. وان كل حب له محركاته ودوافعه .. يبقي لازم نفسر سر انجذاب كائن الدكر ده نحو تلك الموزز .. فخليني اطرح عليكم شويه استنتاجات ممكن تجاوب علي السؤال ده :

بعد النقاش مع بعض الاصدقاء وطرح السؤال علي صفحتي الشخصيه وتفكيري العميق اتضحلي اول واهم سبب فالموضوع وهو

١-“الغريزه ” من ابرز التعليقات اللي وصلت ان اكتر حاجه بتشده في الموزز (بعض أجزاء من جسمها) .. ايوه الراجل بيحب في الموزز جسمهم وانوثتهم والمحرك الاول والرئيسي عنده هو الغريزه .. تقريبا كل الرسايل وحتي المواجهات المباشره كانت بتدل علي ان الراجل مش عايز من الست غير جسمها .. مش معني كلامي ان الرجاله مجرد حيوانات انا بقول المحرك الاول بس .. وفي استثناءات لكن قليل اوي ومش هتلاقي غير النوع ده فمصر من الآخر

٢- ” التقدير ” التقدير خسرنا كتير .. بمعني ان اي ست ممكن تكسب الراجل لو استغلت المحرك التاني لعاطفته وهو التقدير شوف يا صديقي .. الراجل من قديم الازل كان يتسحل فالغابه ويطارد وحوش ويرجع شايل الغزاله وشايف فعنيها نظرت الاعجاب اللي بتحققله المتعه الفطريه اللي هي التقدير ..

عشان كده الراجل ميحبش الست اللي اقوي منه او انجح منه .. يحب يتكلم وحبيبته تفتح بؤها من الانبهار .. ودا اللي بتعمله الست المحترفه بتحسسه انه قوي وجذاب حتي لو بالكذب .. يعني بتمثل دور الجاريه عشان تأثره وتحوله لعبد . والمحرك ده مهم جداً خصوصاً بعد ما الست نزلت الشغل واعتمدت علي نفسها .. وبقي راسها براسه .. سواء كانت غنيه بالوراثه او ناجحه في حياتها العمليه ..زي فيلم ( مراتي مدير عام كده ) عدم التقدير للراجل سبب قوي جدا يخليه يبص لاي واحده ممكن تكون اقل جمال وثقافه بس بتوفرله احتياجه النفسي من التقدير

٣-” أستقلاليه الفكر والمبدأ ” طبعاً الاحتياج ده منتشر جدا دلوقتي .. الشاب دلوقتي ممكن يتعرف علي واحده من علي الفيسبوك ويحبها من غير ما يشوفها لمجرد شايف انها عندها مبدأ ورأي وشخصيه .. تشابه افكارهم وخصوصا لو كانت مختلفه عن مجتمعهم ، توحد مبادأهم دا بيخلق اعجاب بقوه الغريزه اوقات .. حتي لو كانت معندهاش اي مواصفات جسديه ملفته.. بس بينبهر بذكائها وشخصيتها .. بيتعلق بيها بسرعه جنونيه .. وبيحصل اكتر في الغربه سواء بره البلد او جواها .

س :طيب لو راجل قابل واحده فيها كل المميزات اللي فاتت دي ممكن يبص علي موزه غيرها !! ج : ممكن جدا لان مفيش ست كامله زي ما مفيش راجل مفهوش هفوات .. بس أي ست ذكيه تقدر تكون المرآه المكتلمه بالمفهوم الذكوري .. لو قدرت انها تركز علي رجليه الاربعه الي بيهموا اي راجل : (الجسد – العقل -الروح -القلب ) الجسدالراجل بطبيعته محتاج للجنس عشان يحس بالتوازن والاشباع والسعاده في نفس الوقت وده اهم واقوي احتياج في شخصيته ، وأقوي نقط ضعفه وعشان كده معظم الخيانات بتبقي جسديه ومياله للضلع ده العقلالمرأه من غير عقل بتبقي مجرد جسد ..

الست العاقله هي اللي تنبهر بكل قدراته وتبالغ فالاعجاب بيها ، هي اللي دايماً تصدقه لما يحكيلها عن عبقريته وهو طفل ، وازاي كان الاول في كل حاجه ..اشطر واحد في شغله ..واقوي واحد في شلته .. الست العاقله هي اللي لايمكن تنتقد جوزها او تقلل منه حتي لو كان بينها وبينه ، تقدر تحتويه وتطور منه وتساعده علي النجاح مهما كان فاشل ..و لازم الراجل يفهم كويس ان الانوثه ” ذكاء” مش جمال ولا تفاصيل من اللي بيشوفهم علي الانستجرام ، بدليل ان ممكن واحده تكون متوسطه الجمال تخطف راجل من مراته رائعه الجمال لانها محترفه وذكيه وبتقدر تسوق لبضاعتها الضعيفه الرخيصه .. يعني تقول كلام مثير .. تلبس لبس مثير .. تعرف تولع شمع وتشغل موسيقي .. تعرف تدلع وتتمايص .. ترقص مثلا .. وتأكد للراجل قدراته الخارقه وتحسسه بقيمته الروحوالمرأه بلا روح بتبقي جسم وله عقل ..

انسانه عمليه زياده عن الزوم ويتزهق منها .. والراجل بطبعه ملول جدا وبيزهق بسرعه ويهرب لاي واحده عندها روح .. والنوع ده بتلاقي دايما الراجل بتاعها يا أما عالقهوه يا بيشيت مع بنات يا بره البيت مع اصحابه ..

اما الست اللي روحها حلوه بتبقي صاحبته اكتر من حبيبته .. ينفع يتكلم معاها في اي حاجه وكل حاجه .. هيحب يخرج معايا ويدخل سينما او حتي كافيه .. بتبقي مستقله وعندها مبادئ واهداف فالحياه غالباً متوافقه جداٌ مع حبيبها .. بتحتويه نفسياً لدرجه تخلي سعادته انه يحط راسه علي صدرها ويحكيلها كل تفاصيل يومه وهو متأكد انها مش هتفهمه غلط . القلبوده بقي أجمل ما فيهم وأجمل ما فينا .. العاطفه ، الحب ، المشاعر .. ودا الي مبيبقاش موجود عند البنت اللي بتدور علي عريس عشان تهرب من بيت ابوها .. او تتجوز عريس مناسب او له شكل اجتماعي .. والحب مش محتاج قرار ولا ينفع نعلمه لحد ، الحب فطره .. ممكن ننميها وممكن نموتها .. دايما بشبهه بالعصفور اللي في قفص .. لو اهتميت بيه هيبقي جميل وسعيد .. ولو اهملته هتصحي الصبح تلاقيه ميت .

الست اللي ليها قلب هي اللي تتجاوز عن عيوب جوزها ، وتفكر دايماً نفسها بمميزاته عشان تفضل تحبه علطول وبالتالي يفضل يحبها . دول الرجلين الاربعه للراجل والمفروض من الست انها تعمل بيهم ايه ( اكيد مش هتعمل عليهم شوربه ) !! لازم تهتم وتعرف كويس ايه اكتر ضلع فيهم بيهمه .. وتركز عليه لان ببساطه لو اختل منهم ضلع بيقع من ناحيته زي الطرابيزه كده .. من زمان والراجل والست بينهم صفقه فطريه بتقول ( تديني غريزه – أديكي أمان ) والصفات

Save

نبذة عن الكاتب

مقالات ذات صله

الرد